| انہیں سر ڈھانپنے کا گر کہیں سر درد رکھتے ہیں |
| چھپا کر عیب اپنے ،خود کو وہ بے پرد رکھتے ہیں |
| حیا عورت کا زیور ہے پہن کر گھر سے نکلے جب |
| نگاہیں پھر جُھکا کر اپنی ، اکثر مرد رکھتے ہیں |
| سُنا کر حالِ دل اپنا ، چھپا کر درد رکھتے ہیں |
| وہ کترا کر گزرتے ہیں جو چہرہ زرد رکھتے ہیں |
| زبوں حالی میں رہ کر خود ، کسی کا حال کیا پوچھیں |
| مجھے حیرت ہے ان پر جو دلِ بے درد رکھتے ہیں |
| ہمیں ان سے گلہ شکوہ نہیں ہوتا مگر پھر بھی |
| مزاج اپنا ، ہو رنجش بھی اگر ، وہ سرد رکھتے ہیں |
| بہاروں میں شجر سارے ہی سبزہ اوڑھ لیتے ہیں |
| خزاں میں گرچہ تھوڑی دیر پتے زرد رکھتے ہیں |
| جُدائی میں ہماری یاد ان کو آ رہی ہوگی |
| اکیلے ہوں اگر تو رابطہ سب فرد رکھتے ہیں |
| خدا کی راہ میں چلتے ہوئے ہم پر جو پڑتی ہے |
| سر آنکھوں پر ہم اس کے راستے کی گرد رکھتے ہیں |
| کہیں طارق تمہارے دل میں بھی کوئی شکایت ہو |
| غنیمت ہے کہ تم جیسے دلِ ہمدرد رکھتے ہیں |
معلومات