| کوثر کہے خزانہ سرکار کو ملا ہے |
| انعامِ مصطفیٰ پر کیا ہم نے آسرا ہے |
| محبوبِ کبریا ہی داتا جہان کے ہیں |
| ان کا بنا گدا جو اس کا سدا بھلا ہے |
| کنکر تھے پھینکے رب نے آقا کے ہاتھ سے خود |
| وہ عبد خاص رب کے کہتا انہیں خدا ہے |
| رخ موڑ لیں نبی جی مرضی میں جیسے آئے |
| قادر کو دیکھو کرتا جو قصدِ مصطفیٰ ہے |
| ذکرِ خدا کے ہمراہ ذکرِ نبی ہے اونچا |
| ڈنکا علیٰ نبی کا مولا نے کر دیا ہے |
| رونق دہر میں آئی ان کے ورود سے ہے |
| رحمت ہیں عالمیں کی رب نے جنہیں کہا ہے |
| ذوقِ جنوں جو اتنا محمود کو ملا ہے |
| سرکار کے کرم نے یہ در اسے دیا ہے |
معلومات