| دیر تک رات کو محفل تو جمی رہتی ہے |
| پھر بھی شکوہ ہے محبّت کی کمی رہتی ہے |
| تم بھی ان آنکھوں پہ لکھتے رہے غزلیں لیکن |
| یہ نہ پوچھا کبھی کیوں ان میں نمی رہتی ہے |
| وہ نہیں بھولتے وابستہ ہوں یادیں جن سے |
| دوست مل جاتے ہیں پر ان کی کمی رہتی ہے |
| حوصلے پر انہیں کچھ داد تو دینا ہو گی |
| جن کے ہونٹوں پہ ہنسی دل میں غمی رہتی ہے |
| وہ کبھی آئے تھے جس راہ سے ملنے مجھ کو |
| یہ نگہ آج بھی اس رہ پہ جمی رہتی ہے |
| سامنا ان سے اچانک جو کبھی ہو جائے |
| دل کی دھڑکن مری کچھ دیر تھمی رہتی ہے |
| کر چکا سارے مناسک ہی میں حج کے پورے |
| اک کمی باقی ہے شیطاں کی رمی رہتی ہے |
| طارق آؤ تو کبھی باتیں کریں گے اس کی |
| دیکھنا پھر کہاں برسات تھمی رہتی ہے |
معلومات