| بھری جھولی ہے ہر گدائے نبی کی |
| مچی دھوم بھی ہے عطائے نبی کی |
| جہاں کو سجاتے ہیں الطاف ان کے |
| دلوں کو ہے راحت ثنائے نبی کی |
| ورودِ نبی سے ہے طاغوت باطل |
| نظر غیرِ حق کو مٹائے نبی کی |
| تھا ویرانہ لگتا جہاں ظلمتوں سے |
| اسے پیاری رحمت بسائے نبی کی |
| نبی کی نظر سے ہی منزل ہے ملتی |
| دلوں کو عطا ہی سجائے نبی کی |
| اگر ان کے در پر زیاں کار آیا |
| اسے مژدہ عترت سنائے نبی کی |
| یہ محمود مانے خطا کار سا ہے |
| نظر ہی اسے بھی بچائے نبی کی |
معلومات