| منزلیں کرنی ہیں مجھ کو سرنگوں |
| اب سمایا سر میں ہے یہ ہی جنوں |
| اپنے ہونے کی نشانی خود کو دوں |
| کچھ نہ کرنے کی یہ عادت چاک دوں |
| ہے نصیبوں میں سفر تو اب چلوں |
| راہ میں ہوں جو بھی کانٹے ان کو میں |
| سب سے پہلے اپنی پلکوں سے چنوں |
| ہمسفر تھک ہار کر جب بیٹھ جائیں |
| ان کے سر پر دھوپ میں سایا بنوں |
| وہ اگر کچھ گنگنائیں میں سنوں |
| ان کے گیتوں کے فسوں پر سر دھنوں |
| زادِ راہ اپنی خوشی سے ان کو دوں |
| راہ کے دکھ درد ہنس کر میں سہوں |
| ختم ہو جائے سفر تو میں رکوں |
| اس سفر کی داستاں پھر میں لکھوں |
| چند دن آرام کر کے پھر سے میں |
| ایک انجانے سفر پر میں چلوں |
معلومات