| جو اپنے ہاتھ سے میں نے کلام لکھا تھا |
| بڑے ہی پیار سے اس میں سلام لکھا تھا |
| پرانے کاغذوں میں وہ کہیں پڑا ہو گا |
| وہ خط جو میں نے کبھی تیرے نام لکھا تھا |
| جنوں کے رنگِ محبّت کی روشنائی میں |
| جو دل پہ گزری ، وہ سارا پیام لکھا تھا |
| ہیں زندگی کا اثاثہ مرا ، وہی کچھ دن |
| کہ در پہ تیرے جو ، میرا قیام لکھا تھا |
| نصیب اس کے ہمیشہ ، ہوئے ہیں تابندہ |
| کہ تیرے سامنے ، جس کا مقام لکھا تھا |
| کبھی جو آۓ تصوّر میں وہ حسیں لمحے |
| وہ ہوں گی خواہشیں پوری ، تمام لکھا تھا |
| میں طارق ایسے جیا ہوں کہ جاں لُٹا کر بھی |
| اسی کے نام پہ جینا ، مدام لکھا تھا |
معلومات