| غیروں نے دُکھ دئے ہیں تو اپنے بھی کم نہیں |
| گھاؤ لگے ہیں ایسے کہ لفظوں میں دم نہیں |
| چھُریوں سے جسم کاٹتا ہے پیشہ ور قصاب |
| میرے لئے تو تیرے بہانے بھی کم نہیں |
| سب کچھ لُٹا کے آج بھی اُف تک نہیں کیا |
| ایسا نہیں کہ درد نہیں آنکھ نم نہیں |
| تجھ کو گِلہ ہے ساقئی میخانہ سے عبث |
| ہر چیز کے ہیں دام یہاں جامِ جم نہیں |
| نادار کے نصیب میں ہے ایک سا جواب |
| افسوس تیری رام کہانی میں دم نہیں |
| گر تم نہیں تو کیا ہؤا کچھ اور ہی سہی |
| دنیا بہت بڑی ہے زمانے بھی کم نہیں |
معلومات