| رات تو رات ہے آئی تو گزر جائے گی |
| دیکھنا ہے کہ ہمیں لے کے کدھر جائے گی |
| شب یہ افضل ہے مقابل گو مہینے ہوں ہزار |
| پا لیا اس کو تو قسمت ہی سنور جائے گی |
| فجر تک اس میں مسلسل ہو فرشتوں کا نزول |
| روح وہ اترے گی دل پاک جو کر جائے گی |
| اذن سے رب کے ہر اک چیز کو پہنچے گا سلام |
| یہ صدا آئی تو پھر کر کے سحر جائے گی |
| کر لے رُخ اپنا اگر بندہ خدا کی جانب |
| کر کے آساں یہ گھڑی اس کا سفر جائے گی |
| مغفرت ہو گی گناہوں کی معافی ہو گی |
| دے کے ہر ایک کو جنَّت کی خبر جائے گی |
| طارق اے کاش مقدّر میں ہو یہ قدر کی رات |
| خوش نصیبی ہے یہ جس جس کے بھی گھر جائے گی |
معلومات