| عمر بھر کیونکر جگر اپنا لہو کرتے رہے |
| کس کو پانے کی دگر ہم آرزو کرتے رہے |
| خط کا مضموں بھانپ جائیں گے لفافہ دیکھ کر |
| اس لئے بھی روز ہم دامن رفو کرتے رہے |
| کیا کریں گے آ کے جب رخصت ہوا وقتِ نماز |
| تھی امامت جن کے ذمّے گر وضو کرتے رہے |
| جب نوافل پڑھ کے فارغ ہو گئے کر کے سلام |
| پھر اُٹھا کر ہاتھ کس سے گفتگو کرتے رہے |
| پوچھ لیجے آپ ہم نے کیا کِیا اُن سے سلوک |
| زندگی بھر جو ستم ہم پر عدو کرتے رہے |
| ہم نے سینے سے لگا رکھا ہے تیرے نام کو |
| کون ہیں پامال اس کی آبرو کرتے رہے |
| تیری خاطر ہم نے سمجھا تھا کبھی زیور انہیں |
| ہم تو زنجیروں کو بھی طوقِ گلو کرتے رہے |
| وہ سمجھتے ہیں کہ خوش ہو جائے گا اس سے خدا |
| رقص گر پاؤں میں باندھے گھنگرو کرتے رہے |
| ایک دن امّید ہے اُٹھ جائیں گے سارے حجاب |
| جن کے ہٹ جانے کی طارق جستجو کرتے رہے |
معلومات