انسان سے بڑا کوئی نادان ہی نہیں |
یہ جان کر ذرا بھی میں حیران ہی نہیں |
شیطان مفت میں یہاں بدنام ہو گیا |
انسان سے بڑا کوئی شیطان ہی نہیں |
انسان کے مقام سے انسان جب گرے |
اس سے بڑا جہان میں حیوان ہی نہیں |
انسان جب سے ہو گیا انسان کا غلام |
اس سے بڑا جہان میں تاوان ہی نہیں |
کن کہہ کے جو بنایا تھا وہ تو کچھ اور تھا |
اس کی ابھی تلک ہمیں پہچان ہی نہیں |
شاہدؔ تو خوش نہ ہو کہ تجھے زندگی ملی |
اس سے کٹھن کوئی یہاں میزان ہی نہیں |
معلومات