| ہے کوئی ربط باہم لکھا ہے |
| اور بھی ایک عالَم لکھا ہے |
| مجھ کو خوشیاں ودیعت ہوئی ہیں |
| تیری قسمت میں ماتم لکھا ہے |
| ہے خدا کا ہی وہ اسمِ ذاتی |
| گر کہیں اسمِ اعظم لکھا ہے |
| جس نے پائی سخاوت سے عزّت |
| طے قبیلے کا حاتم لکھا ہے |
| تھے نہ ماں باپ دونوں ہی جس کے |
| مثلِ عیسیٰ وہ آدم لکھا ہے |
| ہے نبی میرا نبیوں میں اعلٰی |
| اُس کو قرآں نے خاتَم لکھا ہے |
| تجھ کو پانا تو آساں نہیں ہے |
| کیسے پانا ہے تاہم لکھا ہے |
| طارق اب اور کیا تُجھ سے مانگے |
| اے خدا تُو نے دانم لکھا ہے |
معلومات