| اب خالی از فساد بحر و بر نہیں رہا |
| دامن ہمارا گرچہ کبھی تر نہیں رہا |
| دیکھی ہے جیسے زندگی ہم نے قریب سے |
| اب سچ کہیں تو موت کا بھی ڈر نہیں رہا |
| حرص و ہوا میں ظلم کی حد پار ہو گئی |
| جھولی میں آگ کون یہاں بھر نہیں رہا |
| عزّت کہاں سے لائے گا جا کر خرید کے |
| اب جس کے پاس کوئی مال و زر نہیں رہا |
| وابستہ کتنی یادیں رہیں جس سے اب تلک |
| کہتے ہیں گاؤں میں بھی مرا گھر نہیں رہا |
| طارق وہی ہے اس کے ہی گھر جا کے سر جُھکا |
| اس کے سوا کُھلا تو کوئی در نہیں رہا |
معلومات