| ہے اوّل نبوّت کی نعمت یہاں |
| خلافت سے ہو پھر منوّر جہاں |
| مصیبت جو سر پر پڑے نا گہاں |
| ہلا دے دلوں کو کڑا امتحاں |
| خلافت ہی اُس وقت ہو کر عیاں |
| وہ آغوش جو مومنوں کی اماں |
| یہاں آئے بن چین پائیں کہاں |
| فدا کیوں نہ اس پر کریں مال و جاں |
| خلافت نبوّت کی آئینہ دار |
| خدا کا ہے انعام اک شاندار |
| خدا نے بنایا ہے یہ کاروبار |
| اسی کی عنایت ہوئی بار بار |
| کرے گا حفاظت وہ پروردگار |
| نہ جب تک بنا دے شجر سایہ دار |
| خلافت سی ہے اور نعمت کہاں |
| فدا کیوں نہ اس پر کریں مال و جاں |
| خلافت بچاتی ہے آفات سے |
| ہے شرط اس کی مومن کے سر پر رہے |
| جو ہے متُّقی وہ اطاعت کرے |
| اسی کی محبّت کا وہ دم بھرے |
| رہیں اس سے پیوستہ پتّے ہرے |
| جو اس سے پرے ہے خدا سے پرے |
| اسی سے ہیں وابستہ سب نیکیاں |
| فدا کیوں نہ اس پر کریں مال و جاں |
| خدا نے جو قائم کیا ہے نظام |
| خلیفہ کا سب سے ہے بڑھ کر مقام |
| خدا نے بنایا اسے جب امام |
| وہی ڈھال ہے جس کے پیچھے تمام |
| پلاتا ہے جو معرفت کے وہ جام |
| ہیں قائل ہوئے اس کے سب خاص و عام |
| کہیں ایسی دیکھیں کہاں خوبیاں |
| فدا کیوں نہ اس پر کریں مال و جاں |
معلومات