عطرِ مدینہ لائی بادِ صبا ہے آج |
چھائی دہر پہ دیکھو نوری گھٹا ہے آج |
وقعت نہیں ہے رکھتی نازش بہار کی |
جو یاد میں اے بطحا تیری فضا ہے آج |
آمد ہے نوریوں کی ہر آن اس جگہ |
لگتا ہے اس فضا میں حرفِ عطا ہے آج |
یہ اضطراب دل کا ہجرِ نبی سے ہے |
اس درد کا مداوا کوئی دعا ہے آج |
دیکھیں حسین روضہ یہ آنکھیں خیر سے |
لے جا ہوائے بطحا میری ندا ہے آج |
مجلس پہ رحمتوں کی چادر تنی ہے جو |
لگتا ہے شہرِ جاں سے آئی ہوا ہے آج |
محمود آج ہو گی ان کی ثنا عُلیٰ |
دل میں ذکر سہانا صلے علیٰ ہے آج |
معلومات