| اس قافلے میں کوئی سکندر نہیں دیکھا |
| ہم خاک لڑیں گے کبھی لشکر نہیں دیکھا |
| جو تین سو تیرہ میں تھا جزبہءِ شہادت |
| تاریخ میں ایسا کہیں منظر نہیں دیکھا |
| دیکھے ہیں بہت شاہ و گداگر یہاں لیکن |
| انسان کو انساں کے برابر نہیں دیکھا |
| وحشت مجھے آرام سے جینے نہیں دیتی |
| رہتا ہوں مکانات میں کہ گھر نہیں دیکھا |
| گزری ہے مری عمر تہہِ آب ہی لیکن |
| اک عمر سے میں نے تو سمندر نہیں دیکھا |
| اب مۓ ہے نہ میخانہ، نہ ہی صحبتِ یاراں |
| عرصہ ہوا میں نے کبھی ساغر نہیں دیکھا |
| شاہد کوئی یہ بات تو منصور سے پوچھے |
| عرصہ سے سرِ دار کوئی سر نہیں دیکھا ! |
معلومات