| پردہ دارِ رازِ پنہاں کون ہے ان کے سوا |
| قاسمِ انعامِ یزداں کون ہے ان کے سوا |
| کیا چھپا ہے دوستو مولا کے گنجِ پنہاں میں |
| راز دارِ کنزِ سلطاں کون ہے ان کے سوا |
| سیدِ بالا نشیں وہ جان جانِ مرسلیں |
| سارے نبیوں کا وہ سلطاں کون ہے ان کے سوا |
| رشتہ مجھ کو تو بتا دے نور اور قرآن کا |
| در جہاں ناطق جو قرآں کون ہے ان کے سوا |
| سب خلق میں اعلیٰ تر ہیں انبیا رحمٰن کے |
| نورِ جاں محبوبِ سبحاں کون ہے ان کے سوا |
| زندگی سے قبر میں میزان پل پر حشر سے |
| عاصیوں کا بھی نگہباں کون ہے ان کے سوا |
| تجھ پہ ہے محمود اب تیری خطاؤں کا اثر |
| درماں کہہ دے اے پریشاں کون ہے ان کے سوا |
معلومات