| تونگر رکھے جو گدائی ہے ان کی |
| خلق ساری اے دل فدائی ہے ان کی |
| جہانوں کی سانسیں ہیں ممنون جن کی |
| بڑی رب نے حشمت بنائی ہے ان کی |
| جھکیں جن کے در پر یہ سلطاں جہاں کے |
| وہ محبوبِ رب ہیں خدائی ہے ان کی |
| روانی ہے گردوں میں ان کی عطا سے |
| ثنا رب نے سب کو سکھائی ہے ان کی |
| بڑی شان والا ہے قادر وہ مولا |
| ہے بعد از خدا جو بڑائی ہے ان کی |
| جو ہجرِ نبی میں ہی بیمارِ غم ہیں |
| بنی یادِ دلبر دوائی ہے ان کی |
| اے محمود بردے جو ہیں مصطفیٰ کے |
| خدا نے ہی قسمت سجائی ہے ان کی |
معلومات