| گھر میں رونق ہی کی صورت ہو ہمیں اچھا لگے |
| کب کوئی ماٹی کی مورت ہو ہمیں اچھا لگے |
| ارد گرد اپنے جو دیکھیں زندگی بوسیدہ حال |
| اور بھی پائی جو نعمت ہو ہمیں اچھا لگے |
| اِس سے وابستہ ترقّی دین کی دنیا کی بھی |
| ورنہ کب گر یونہی ہجرت ہو ہمیں اچھا لگے |
| دھوپ میں لمبے سفر کے بعد منزل ہو قریب |
| قُرب کی پھر سعد ساعت ہو ہمیں اچھا لگے |
| دل کی خواہش جب نہ پوری ہو کوئی حسرت بنے |
| جب رہی کوئی نہ حسرت ہو ہمیں اچھا لگے |
| ملک اپنا چھوڑ کر چھانی ہے جب در در کی خاک |
| پھر جہاں میں پائی عزّت ہو ہمیں اچھا لگے |
| سن کے طارق لوگ تُجھ کو بر ملا کہتے ہیں یہ |
| جب تری باتوں میں حکمت ہو ہمیں اچھا لگے |
معلومات