| سنتے ہیں سرِ شام وہی شوخ نظر ہے |
| اس ثانیٔ خود سر کو بلا لاؤ کدھر ہے |
| یہ دل ہے میرا کوئی دھرم شالا نہیں ہے |
| ہنگامہ کیوں کرتا ہے؟ ترے باپ کا گھر ہے؟ |
| منزل نہ ملی اس میں بھلا اس کی خطا کیا |
| راہی تو ترا آج تلک گرمِ سفر ہے |
| انگیز کرے کیسے دو طوفاں کے تھپیڑے |
| کشتی میں وہ ملاح جو طوفان بسر ہے |
| اے پیرِ مُغاں سوچ کہیں اب کے برس بھی |
| ہو جائے وہی حادثہ جس کا مجھے ڈر ہے |
| پھر گرم ہے افواہ کہ زنجیر ملے گی |
| آئی ہے بہاراں کوئی اڑتی سی خبر ہے |
| کیا پھر سے ترے ہاتھ ہوا خونِ تمنا |
| کہتے ہیں کہ رنگین تری راہ گزر ہے |
معلومات