| دل میں کوئی بھی رہا باقی جو ارماں ہوگا |
| وہ جو مل جائے تو ہر درد کا درماں ہو گا |
| دولتِ حسن مقدّر سے ملا کرتی ہے |
| اس کی جو کر لو حفاظت تو یہ احساں ہوگا |
| جس نے حسرت سے تمہیں دیکھ کے یوں آہ بھری |
| کوئی جنَّت سے نکالا ہوا انساں ہو گا |
| میری تقدیر میں شاید یہیں رہنا ہے ابھی |
| لوٹ جاؤں گا میں جلدی تو وہ حیراں ہوگا |
| نیک و بد سارے ہی اعمال مرے ساتھ گئے |
| لے گیا مجھ کو کہاں میرا یہ ساماں ہو گا |
| ہم نے امّید تو رکھی ہے پذیرائی کی |
| اب تلک آ گیا لینے ہمیں رضواں ہو گا |
| طارق ایسے جو تسلّی سے چلے آئے ہو |
| راستہ کوئی چُنا تم نے بھی آساں ہو گا |
معلومات