کونین میں ہر جا ہی انوار کی کثرت ہے |
محبوبِ خدا کی ہے جو عیدِ ولادت ہے |
گلشن میں یہ رونق بھی ہے جانِ بہاراں سے |
ہر گل کے حسن میں ہی سرکار سے نزہت ہے |
ہے جس کا ظہور آخر تخلیق میں اول ہیں |
تکوینِ جہاں ان کی جو ختمِ نبوت ہے |
میثاق میں نبیوں سے اقرار لیا جن کا |
ان جانِ زماں کا ہی یہ یومِ ولادت ہے |
جب اقصیٰ میں نوری تھے نبیوں کی صفوں میں بھی |
اس اعلیٰ جماعت کی دلبر سے امامت ہے |
یہ دیکھو کھڑے نوری تعظیم میں سلطاں کی |
قائل نہیں جو اس کے کیا ان پہ قیامت ہے |
تحمیدِ خدا ہی ہے توصیفِ نبی میں بھی |
میلاد کی ہر مخفل محمود عبادت ہے |
معلومات