| پرواز میں ملی جو مدحت ہے مصطفیٰ کی |
| دل سے زباں پہ آئی چاہت ہے مصطفیٰ کی |
| اپنا کرے جو سب کو اخلاقِ دلربا ہے |
| جس کو ملی یہ رحمت شفقت ہے مصطفیٰ کی |
| آتا ہے انساں بننا اک آدمی کو جس سے |
| وہ خُلق کا بھی منبع سیرت ہے مصطفیٰ کی |
| یہ جو مہک ہے میرے دستِ خیال میں بھی |
| اس کی وجہ اے ہمدم نکہت ہے مصطفیٰ کی |
| نورِ نبی سے روشن افکار کے جہاں ہیں |
| کامل مثال اس کی عترت ہے مصطفیٰ کی |
| اوصافِ مصطفیٰ کل کس کی سمجھ میں آئیں |
| ما فوق خردِ انساں عظمت ہے مصطفیٰ کی |
| محمود کب ملے گی بازارِ دہر میں یہ |
| کامل کے در سے حاصل چاہت ہے مصطفیٰ کی |
معلومات