جب یاد سے دلبر کی ہم سینہ سجاتے ہیں |
دل سوز میں آتے ہیں ہم آنسو بہاتے ہیں |
جو ہجرِ نبی میں من دن رات سلگتے ہیں |
وہ گیت سدا ان کے ہر سانس میں گاتے ہیں |
ہیں دررماں بنے دکھ کے اطہار محمد کے |
تریاق جو ہر غم کے سرِ عام پلاتے ہیں |
ٹھکرایا خلق نے ہے یا راندہ جہاں بھر کا |
اسے جانِ جہاں آقا دلدار بناتے ہیں |
بے چین ہے دل میرا اعمال سے عاری ہوں |
مجھے کاش کوئی کہہ دے درِ یار پہ جاتے ہیں |
مدحت ہے جو دلبر کی اک موج ہے رحمت کی |
جب من سے نکلتی ہے پھر نین سناتے ہیں |
مولا کے خزانوں کے مختار نبی سرور |
محمود نبی میرے مولا سے ملاتے ہیں |
معلومات