| پیار بڑھتا ہے روٹھ جانے سے |
| مان جائیں وہ جب منانے سے |
| مندمل زخم ہو گئے سارے |
| اُس کے اتنا قریب آنے سے |
| کیا تھے وہ لفظ ، بن گئے مرہم |
| مٹ گیا درد ، مُسکرانے سے |
| دیکھئے تو خُمار آنکھوں میں |
| چین پایا ہے ڈوب جانے سے |
| اُس کو دیکھا تھا ایک بار کہیں |
| بھول پائے نہیں زمانے سے |
| گو خیالات ہیں نئے اپنے |
| آدمی ہیں ذرا پرانے سے |
| آ گئی جو زباں پہ محفل میں |
| کب بنی بات پھر بنانے سے |
| پھیل جاتی ہے چار سُو خوشبو |
| کیا چھپی ہے بتا ، چھپانے سے |
| سارا عالَم ہوا ہے کب عالِم |
| بات پوچھو کسی سیانے سے |
| بانٹ کر مسکراہٹیں دیکھو |
| لطف آتا ہے کیا رُلانے سے ؟ |
| جب حقیقت سنی مری بولے |
| یہ ہے بڑھ کر کسی فسانے سے |
| زندگی یوں بدل گئی طارقؔ |
| اب ہے مطلب اُسی کو پانے سے |
معلومات