| نہ ہم سے پوچھا کسی نے ، نہ کچھ حساب ہوا |
| کسی کے پیچھے چلے یوں نہ احتساب ہوا |
| تمہیں نکال کے لائے تھے جو خرابوں سے |
| عتاب ان پہ ہوا اور وہ شتاب ہوا |
| دل و دماغ میں یہ جنگ اب بھی جاری ہے |
| کہ خیر و شر میں بھلا ، کس کا انتخاب ہوا |
| وہ چھو ڑ چھاڑ کے سب کچھ یہاں چلے آئے |
| ہمیشہ ایسا مؤثّر ترا خطاب ہوا |
| بہانے ڈھونڈتے تھے ، جو نہ کام کرنے کے |
| انہیں نہ جان لُٹانے پہ ، اضطراب ہوا |
| ہمیں خبر ہے کہ ہے زندگی بس اتنی دیر |
| برستے پانیوں میں جیسے اک حباب ہوا |
| پہنچ نہ پائے جو منزل پہ ، جاگتے ہی رہے |
| جو سو گئے تو ادھورا ہمارا خواب ہوا |
| ہماری ہاں یا نہیں سے بڑھے گی بات اس سے |
| ملیں گے اس سے ، ہمارا بھی گر شباب ہوا |
| نظر اسی کی پڑی ہے ، وہ مل گیا طارقؔ |
| اسی کا ساتھ ملا ہے تو کامیاب ہوا |
معلومات