| کہاں کوئی پیدا ہے ہم شان ان کا |
| ہے یکتا جہاں میں گلستان ان کا |
| منور دہر ہے ضیائے ضحٰٰی سے |
| گراں نور بانٹے یہ احسان ان کا |
| وہ اذنِ الہ سے ہیں بے مثل ہر جا |
| چلے گردوں پر بھی ہے فرمان جن کا |
| ہے لولاک سے یہ دہر سارا ان کا |
| گلستاں ہیں ان کے خیابان ان کا |
| ملی زندگی ہے اسی کو دوامی |
| گیا اس جہاں سے جو قربان ان کا |
| نکیرین جب بھی کہیں گے مجھے کچھ |
| کہوں گا لے آیا ہے ارمان ان کا |
| اے محمود مجھ کو ملے گر ہنر یہ |
| کہے مجھ کو دنیا ثنا خوان ان کا |
معلومات