| آتی ہے ندا مجھ کو یہی کوہ و کمر سے |
| تہ خانۂ ہستی سے یہی قلب و جگر سے |
| جو دردِ محبت میں چلے آتے ہیں آنسوں |
| اک سیلِ رواں بن کے گزر جاتے ہیں در سے |
| میں بندہ سیاسی ہوں سیاست میرا مذہب |
| مت دیکھو مجھے فرقہ و مسلک کی نظر سے |
| عہدہ مجھے محبوب ہے شہرت مجھے پیاری |
| جو ان سے ہے ممکن وہ نہیں جوہر و زر سے |
| دل ساز و جگر سوز سیاست کی لڑائی |
| پیاری ہے مجھے بیش بہا لعل و گہر سے |
| یہ بات میری فہم و فراست سے ہے باہر |
| ڈرتے ہیں جواں کیوں یہ سیاست کی ڈگر سے |
| جو رمزِ سیاست سے نہیں آشنا وہ ہی |
| کہتے ہیں بچو اے کہ سیاست کے شرر سے |
| جو راہِ سیاست سے یوں بیزار پھرے ہو |
| تو تو ہی بتا قوم ہو خوشحال کدھر سے |
| کہتا ہے مجھے مجنوں و دیوانہ وہی شخص |
| میں جس کو بچاتا ہوں زمانے کے ضرر سے |
| میں موت تلک کوششِ پیہم میں رہوں گا |
| شاید کہ چراغاں ہو میری سوزِ جگر سے |
| اک بات اگر سن لو تو کہدوں میرے ہمدم ! |
| ملت کے لئے تم بھی لو کچھ کام ہنر سے |
| ہو کوہ ترا عزم تخیل میں ستارہ |
| اے مردِ جواں بچتے رہو لیکن و گر سے |
| کہتا ہے کوئی غیب سے یہ شاہؔی کو تیرے |
| پیدا ہے تری ذات کسی آہِ سحر سے |
معلومات