| جب سے زندہ رہنے کا میں نے ارادہ کر لیا |
| بجلیوں نے مجھ پہ گرنے کا اعادہ کر لیا |
| جو نہ دشمن کر سکے وہ دوستوں نے کر دیا |
| دشمنوں نے دوستوں سے استفادہ کر لیا |
| میں نے اپنی زات کی گہرائیوں میں ڈوب کر |
| آگہی کی روشنی سے دل کشادہ کر لیا |
| جو بھی کچھ تھا پاس سب نیلام میں نے کر دیا |
| زندگی کو اپنی میں نے پھر سے سادہ کر لیا |
| سخت تپتی دھوپ سے بچنے کا پھر یہ حل کیا |
| سر پہ اس کی یاد کا میں نے لبادہ کر لیا |
| دوستوں سے مل کے شاہد جام و بادہ کر لیا |
| میرا جتنا غم تھا اس کو پھر سے آدھا کر لیا |
معلومات