| عشق ہر چاہنے والے کا تو ناکام نہیں |
| ہم محبّت میں ہوئے یونہی تو بدنام نہیں |
| ہم غمِ دہر سے آزاد ہوئے ہیں جب سے |
| اب غمِ جاں، غمِ محبوب سے آرام نہیں |
| اب کے سیلاب کا کچھ اور سبب لگتا ہے |
| یہ مصیبت ہے کوئی گردشِ ایّام نہیں |
| تم جو کرتے ہو طواف اس کا کبھی بوسہ لے کر |
| خانہ کعبہ ہے یہ عاشق کا در و بام نہیں |
| روٹھتا ہے وہ مگرآج تلک یہ نہ ہوا |
| ہم منانے کو گئے ہوں ، وہ ہوا رام نہیں |
| وہ دعا سنتا ہے اب بھی وہ ہمارا ہے خدا |
| کیا سمیع اور مجیب اس کے حسیں نام نہیں |
| تم جو جاتے ہو چمن کو تو نظر میں رکھنا |
| کہیں صیّاد نے پھیلایا وہاں دام نہیں |
| طار ق اٹھو تو نظر تم کو بھی آ جائے وہ |
| بام پررات کو آتا ہےسرِ شام نہیں |
معلومات