تاباں جہاں میں سب سے نوری مدینہ ہے |
جس سے سجا دہر کا ہر آن سینہ ہے |
رونق جہاں کو دیتا ہے دانِ مصطفیٰ |
دینِ مبین جن کا وجہہ قرینہ ہے |
شہرِ مدینہ سے ہے زینت جہان میں |
مسجد نبی کی اس میں مثلِ نگینہ ہے |
سالار مصطفیٰ ہیں رزمِ جہان کے |
احساس یہ ہی دیتا دل کو سکینہ ہے |
بے مثل اس بزم میں بطحا کی تاب ہے |
اس میں ادب سے جینا اچھا قرینہ ہے |
طوفاں سے امن میں ہیں، بطحا کے کل مکیں |
آقا سے اُن کو حاصل ایسا سفینہ ہے |
نامِ نبی سے ملتی ہر دل کو ہے غنا |
عشقِ حبیبِ داور من کا خزینہ ہے |
کل سائباں ملے گا آقا سے حشر میں |
جس جا سنا ڈبونے والا پسینہ ہے |
محمود نامِ بطحا دیتا ہے راحتیں |
اس سے جہاں کو حاصل روحِ سکینہ ہے |
معلومات