| مطمئن دل ہوا سا لگتا ہے |
| اُس کا کچھ تذکرہ سا لگتا ہے |
| آئی اس کی گلی سے ہو کے صبا |
| گھر معطّر ہوا سا لگتا ہے |
| کیسی طاری غنودگی ہے یہ |
| خواب کا تجربہ سا لگتا ہے |
| اس نے سپنوں میں آنا ہو شاید |
| در کا پردہ ہِلا سا لگتا ہے |
| ہے یدُاللہ ، ان کے ہاتھوں پر |
| ہاتھ اس کا ، خدا سا لگتا ہے |
| دیکھ کر اس کو ہم ہوئے مدہوش |
| نشّہ ایسا چڑھا سا لگتا ہے |
| اُس کو دیکھا ہے ساری دنیا نے |
| سب کا وہ رہنما سا لگتا ہے |
| ہم تو قائل تھے پہلے ہی طارق |
| اب عدو بھی جھکا سا لگتا ہے |
معلومات