| یوں تو نہیں کہ تُجھ سے محبّت نہ کر سکے |
| ہاں تیرا حق تھا جو وہ عبادت نہ کر سکے |
| دنیا کے پیچھے بھاگ کے دیکھا بہت مگر |
| اس زندگی کو باعثِ راحت نہ کر سکے |
| اتنی عنایتیں ہوئی ہیں تُجھ سے بار بار |
| دو چار حسرتوں کی شکایت نہ کر سکے |
| مانا نہیں ہے یاد کیا تُجھ کو ہر گھڑی |
| پر تُجھ سے دور رہنے کی عادت نہ کر سکے |
| منزل کا راستہ جو تھا دشوار اس قدر |
| ناکامیوں کو دیکھ کے حیرت نہ کر سکے |
| کیا فائدہ جو نعمتیں دنیا کی تو ملیں |
| حاصل تری رضا ہی کی جنّت نہ کر سکے |
| طارق کا اس قدر ہے تری ذات پر یقیں |
| کوئی اسے ہلانے کی جراَت نہ کر سکے |
معلومات