| کامیابی پر وہ اِترائیں تو اِترائیں گے کیا |
| دل ہمارا جیت کر جائیں تو کر جائیں گے کیا |
| آنا چاہیں حضرتِ ناصح تو آ جائیں مگر |
| اس سے پہلے یہ تو سمجھائیں کہ سمجھائیں گے کیا |
| آپ دنیا میں کریں دل کھول کر جو دل کرے |
| روزِ محشر آپ بتلائیں تو بتلائیں گے کیا |
| عمر جب عشقِ بتاں میں سب گزاری آپ نے |
| اب مسلماں آپ ہو جائیں تو ہو جائیں گے کیا |
| آپ بھی تو حوصلہ کر کے قدم بڑہائیے |
| وہ قریب آنے سے شرمائیں تو شر مائیں گے کیا |
| دولتِ دنیا سے حاصل ساری خوشیاں تو نہیں |
| چینِ دل آرامِ جاں پائیں یہاں پائیں گے کیا |
| ایک دن جانا تو ہے سب کو خدا کے سامنے |
| کوئی نیکی گر نہ لے جائیں تو لے جائیں گے کیا |
| دامنِ احمد سے وابستہ ہماری کل حیات |
| اس سے باہر کچھ اگر پائیں تو پھر پائیں گے کیا |
| طا رِق عیسیٰ کو گئے دنیا سے اب مدّت ہوئی |
| وہ اگر کہتے ہیں واپس آئیں گے آئیں گے کیا |
معلومات