| میں وی گلّ ودھائی رکھی |
| پیار دی پینگ چڑھائی رکھی |
| اونہے وی فر ساتھ ناں چھڈیا |
| میں وی جپھی پائی رکھی |
| کلّے بیہہ کے نِمّوں جھانے |
| اینویں اَکھ تَرࣿ یائی رکھی |
| بہانے بہانے گلّاں کر کے |
| میں وی ٹَوہر بنائی رکھی |
| لوکیں سڑ دے پیار دی فِر وی |
| اَگ دلاں وِچ لائی رکھی |
| کاہنوں میں وی اوکھا ہویا |
| دل دی گلّ لُکائی رکھی |
| ڈاروں کھُنج کے آیا پنچھی |
| اوہدے لئی سی پھاہی رکھی |
| ٹردا جانواں ِنیویں پا کے |
| لوکاں تے کھپ پائی رکھی |
| طارق تیتھوں کاہدا اولھا |
| یار نیں گلّ بنائی رکھی |
معلومات