| آج کیا ہو گیا ہے تجھے جنوری |
| آج کیا ہو گیا ہے تجھے جنوری |
| کتنا بے تاب و مضطر تھا تو جنوری |
| اتنا ظالم نہ تھا تو کبھی جنوری |
| آج کیا ہو گیا ہے تجھے جنوری |
| آج کیا ہو گیا ہے تجھے جنوری |
| ایک خواہش تو پہلے ہی ماری گئی |
| جو بجی تھی وہ ساری کی ساری گئی |
| گرمئی عارضِ گل سے میں دور ہوں |
| میری سوزِ جگر سے وہ پیاری گئی |
| برف باری سے کم نا تری صرصری |
| آج کیا ہو گیا ہے تجھے جنوری |
| قصر والے بھی اب در بدر ہو گئے |
| راہ کے سب غریب اب کدھر ہو گئے |
| آہ کی گرمیاں چاہ کی آتشیں |
| سب کے سب کاش و اُف کے نذر ہو گئے |
| کتنی خاموش ہے یہ تری ساحری |
| آج کیا ہو گیا ہے تجھے جنوری |
| تجھ سے بہتر تو تھا ماہ وہ نوم بر |
| پھر دسمبر کی شامیں نہ تھیں اس قدر |
| ہلکی پھلکی سی چادر میں گذری سَحر |
| ایک تو ہے کہاں سے ہے لایا جگر |
| کتنا ظالم ستم گر ہے تو جنوری |
| آج کیا ہو گیا ہے تجھے جنوری |
| چاند بھی چھپ گیا بادلوں میں کہیں |
| چپ کے چپ کے سے رہتا ہے سورج کہیں |
| آہ تارے یہ شاید کہ سب ڈر گئے |
| تیری دامن میں آکے یہ سب مر گئے |
| کتنا بے باک سفاک ہے جنوری |
| آج کیا ہو گیا ہے تجھے جنوری |
| شام کی سرد لہروں پہ پروائی صر |
| برف کی تیز بارش میں بھینگا ہے در |
| تیرے آغوش میں ہم چلے آئے پر |
| جاں ہتھیلی پہ رکھ کر پہ جائیں کدھر |
| آہ کتنا کٹھن ہے تو اے جنوری |
| آج کیا ہو گیا ہے تجھے جنوری |
| چاۓ کی چسکیوں سے بھی محروم ہیں |
| گرمئی وصلِ جاناں سے محروم ہیں |
| سرد کی تیز لہروں سے مغموم ہیں |
| ترس کھاؤں یہ ہم پے کہ معصوم ہیں |
| کیسا پتھر صنم ہے تو اے جنوری |
| آج کیا ہو گیا ہے تجھے جنوری |
| اب کے لگتا ہے ایسا کہ مر جائیں ہم |
| صبح کی خوف موسم سے ڈر جائیں ہم |
| آگ کے ساتھ بیٹھے ٹھہر جائیں ہم |
| تیرے ظالم ہوا سے کدھر جائیں ہم |
| اتنی ٹھنڈی نگر ہے تو کیوں جنوری |
| آج کیا ہو گیا ہے تجھے جنوری |
| غالب ثانی ؔ |
| ابو اُمامـه شــؔاہ ارریاوی |
معلومات