| کرتا رہا جو روشنی سب کو عطا چلا گیا |
| وہ جو تھا لعلِ بے بہا ، ہم کو ملا ، چلا گیا |
| علم کی شمعِ نور سے ، روشن کئے ہیں بحر و بر |
| وہ جو مثالِ ماہ تھا ، چمکا کیا ، چلا گیا |
| جب بھی کہیں امیدّ کی دل میں ضیا تھی کم ہوئی |
| تو رہ دکھا کے آس کی ، وہ مہ لقا ، چلا گیا |
| وہ جو مجھے عزیز تھا، وہ جو مرے قریب تھا |
| ملنے کا پھر سے آسرا ، اُس نے دیا ، چلا گیا |
| اُس کا جو فیضِ عام تھا ، سِحْر سے پُر کلام تھا |
| جس نے بھی جب سُنا اُسے، سُنتا سَدا چلا گیا |
| سینے پہ سب کے غم لئے کتنے ہی دُکھ الم لئے |
| بن کے رہا دل کی دوا، تھا با وفا ، چلا گیا |
| اس کو نہ بھول پائیں گے ، وہ تھا دلوں کا ، بادشاہ |
| دے کے سکوتِ شب میں وہ ، ایک صدا چلا گیا |
| فانی ہے یہ جہاں یہاں ، کون رہا ہے دیر تک |
| اس کا مقام و مرتبہ ، کس نے کہا ، چلا گیا |
| طارق اسی کا فیض ہے ، ہم ہوئے درد آشنا |
| دے کے ہمیں خلوصِ دل سے جو دعا ، چلا گیا |
معلومات