| کدورت دلوں میں بساتے ہیں آپ |
| بظاہر محبت جتاتے ہیں آپ |
| پرانی وہ عادت ابھی تک نہ چھوٹی |
| حسیں وعدے کر کے پھنساتے ہیں آپ |
| زباں تیز، حاضر دماغی ملی ہے |
| بڑی چکنی باتیں بناتے ہیں آپ |
| اِدھر سے کمائے اُدھر ہے گنوائے |
| فحش کاموں میں دَھن لٹاتے ہیں آپ |
| رفیقوں عزیزوں پہ ہو خرچ کیسے |
| مزے عیش سارے مناتے ہیں آپ |
| ہیں اڈہ، کلب جب سے آباد ہوئیں |
| پلٹ دیر سے گھر بھی آتے ہیں آپ |
| نیا دور ناصؔر بڑا پُر خطر ہے |
| یہ تہذیب بدلی دکھاتے ہیں آپ |
معلومات