| اے ساقئی لاہوت نئی شمع جلا دو |
| الفت کی لطافت سے کوئی جام پلا دو |
| بڑھتے ہوئے آلام سے ہر گز نہیں شکوہ |
| اک طبقہ ہی مخصوص ہے کیوں اتنا بتا دو |
| عادل کی عدالت میں کھڑا شک زدہ ملزم |
| ثابت نہیں الزام مگر جیل کرا دو |
| اچھّا نہیں الفت تو چلو اپنی سی کر لو |
| گر شک ہے مری بات میں تو جی سے مٹا دو |
| ہر دَور میں ہر چیز کا معیار ہے دَولت |
| بہتر ہے غریبوں کے صنم خانے جلا دو |
| سب نے مجھے چھوڑا ہے تو تم کس لئے چُپ ہو |
| وہ سامنے رکھُی ہوئی تصویر ہٹا دو |
| مَیں الفت و چاہت میں نہیں شرط کا پابند |
| اس دعوے میں غلطی ہے تو جو چاہو سزا دو |
| افسوس مری باتوں میں ہے تلخی کا عُنصر |
| اپنے لب شیریں سے انہیں میٹھا بنا دو |
| مَیں نا خوش و بیزار ہوں مرمر کی سِلوں سے |
| میرے لئے مِٹّی کا حرم اور بنا دوٓ |
معلومات