| سب سے حسیں دہر میں اس کا سرود ہے |
| پڑھتا نبی پہ دل سے جو بھی درود ہے |
| دربار مصطفیٰ سے خیرات گر ملے |
| پھر رحمتِ خدا کا ہوتا ورود ہے |
| ہستی کو گھیرتے ہیں الطافِ مصطفیٰ |
| زد میں انہی کی رہتا غائب شہود ہے |
| ہے بابِ مصطفیٰ تک ڈوری دہر کی بھی |
| اور ان کے در پہ جھکتا ہر اک صعود ہے |
| کن کا امر ہے کرتا توصیفِ مصطفیٰ |
| کس نور سے یہ پیدا ساری نمود ہے |
| رحمت سوا نبی کی حدِ گمان سے |
| ادراک کہہ دو رکھتا کوئی حدود ہے |
| محمود شان ان کی یزداں ہے جانتا |
| جو بھیجتا نبی پر دائم درود ہے |
معلومات