| ہم جو تھوڑا سا کہیں شکوہ شکایت کر لیں |
| آپ بھی ہم پہ ذرا نظرِ عنایت کر لیں |
| آپ سے یوں تو ملاقات بڑی مشکِل ہے |
| کیوں نہ اب آپ کے ہی شہر میں ہجرت کر لیں |
| گر نہیں تُجھ سے ملاقات کے قابل یارب |
| ہم تجھے سجدہ ہی کرنے پہ قناعت کر لیں |
| تُو اگر راضی رہے ہم سے تو شب بھر جاگیں |
| دن کو جس وقت کہے تُو تو عبادت کر لیں |
| چاند کو دیکھ کے چہرہ تِرا یاد آتا ہے |
| ہم اُسے دیکھتے رہنے ہی کی عادت کر لیں |
| دیکھ کر لطف و کرم تیرا خیال آتا ہے |
| کیوں نہ ہم تیری طرح سب سے محبّت کر لیں |
| لوحِ محفوظ میں بھیجا تھا سند ے سہ تُو نے |
| تیرے قرآن کی ہم بھی تو تلاوت کر لیں |
| وہ جو بیمار ہیں لاچار پڑے ہیں تنہا |
| چاہئے ہم بھی کبھی ان کی عیادت کر لیں |
| طارق اظہارِ محبّت بھی تو آسان نہیں |
| آپ کو چاہئے اس فن میں مہارت کر لیں |
معلومات