| لَوحِ نصیب کیسی عجب چال چل گئی |
| رستے کی ابتدا میں ہی منزل نکل گئی |
| دیکھا مجھے جو راہ میں شرما کے رہ گئی |
| پہلے وہ لڑکھڑائی گِری پھر سنبھل گئی |
| جھُک کر کیا سلام بڑے احترام سے |
| مَیں کچھ نہ کہہ سکا تو چھُری دل پہ چل گئی |
| آئے ہو بن سنور کے مگر یہ تو سوچتے |
| دورِ جوانی لد گیا دنیا بدل گئی |
| زلفیں بکھیرے آنا تھا میدانِ حشر میں |
| شُکرِ خدا کہ آئی بلا سر سے ٹل گئی |
| دنیا کی زندگی بھی عجب چیستان ہے |
| عقدہ کھُلا تو مَوت کے سانچے میں ڈھل گئی |
معلومات