دل کی تنہائی کہیں مار نہ ڈالے مجھ کو |
یہ تمنّا ہے کہ تُو اپنا بنا لے مجھ کو |
ٹوٹ کر جب میں بکھر جاؤں کبھی وقت کے ساتھ |
تیری یادوں کا کوئی لمحہ بچا لے مجھ کو |
پھول سے مجھ کو بھلا شکوہ کوئی کیسے ہو |
رنگ بدلے تو وہ خوشبو میں بسا لے مجھ کو |
میری ناکامی پہ ڈھارس تُو بندھائے میری |
ہوں جو مایوس تو سینے سے لگا لے مجھ کو |
تُو نے ہر موڑ پہ بچوں کی طرح پیار دیا |
تو ہی ماؤں کی طرح آج بھی پالے مجھ کو |
تُو نے طوفانوں میں اب تک مجھے گرنے نہ دیا |
آج تک یہ نہ ہوا تُو نہ سنبھالے مجھ کو |
وقت کے ساتھ بدل جاتی ہے دنیا لیکن |
دور جاؤں میں اگر پاس بُلا لے مجھ کو |
جھولی پھیلائے ترے سامنے آیا طارق |
مجھ کو امیّد نہیں تُو کبھی ٹالے مجھ کو |
معلومات