| جواں ہنؔد میں جس سے بیزار ہے |
| وہی ثمرۂ جملہ گفتار ہے |
| جہابانی ہے بس اسی سے یہاں |
| وہ بیدار قوموں کی یلغار ہے |
| سیاست، جوانوں کی للکار ہے |
| سیاست، ہی دستِ جہاں دار ہے |
| یہی بہرِ امت کا سامان ہے |
| یہی شان و شوکت یہی مان ہے |
| جو ہو طرزِ دیں پر سیاست اگر |
| اسی سے دو عالم میں ذی شان ہے |
| سیاست سے امت بھی یک جان ہے |
| سیاست ، مسلماں کی پہچان ہے |
| ہے اقوامِ عالم کے فکر و خیال |
| بھٹکتا رہے احمدیﷺ یہ جیال |
| سدا ذرّۂ گردِ پاپوش ہو |
| ہمیشہ رہے پھر شکارِ ملال |
| سیاست ہی مسلم کا حسن و جمال |
| سیاست ہی دیرینہ ، رفتہ جلال |
| نہ ابھرے سیاست میں مسلم سماج |
| یہی کچھ ہوا ہے سبھی کا مزاج |
| لبوں پر یہی نعرۂ عام ہے |
| ہے ہندی وطن ہوگا ہندو کا راج |
| مسلماں گرادو یہ شیطانی تاج |
| رکھو اپنے دیں کا ذرا تم بھی لاج |
| عروج و ترقی کا معیار ہے |
| یہ آفاقی قوموں کی دستار ہے |
| جہاں میں مسلماں کا ہتھیار ہے |
| مسلماں اسی سے فتح یار ہے |
| جوانوں کے دل پر اثر ہو یہ بات |
| اسی سے جہاں میں ہے محکم ثبات |
| نہ لے پھر جہاں میں کوئی جاں جنم |
| جو تیرے مقابل ہو کھاؤ قسم |
| خدا بھیج دے پھر کوئی بت شکن |
| ہزاروں کی تعداد میں ہیں صنم |
| یہ ہندی جو ہندی روایات ہیں |
| نہ آغاز کچھ نا ہی غایات ہیں |
| اگر تم سیاست میں ناکام ہو |
| جہاں میں ہمیشہ ہی گمنام ہو |
| سیاست سے مسلم فلک بوس ہے |
| فلک بھی اسی سے زمین بوس ہے |
| سیاست سے مسلم ہے خوشحال قوم |
| بنا اس کے خستہ زبوں حال قوم |
| سیاست کا زندہ دلوں میں قیام |
| کہ پیدا کرو تم بھی اس میں مقام |
| صدا جبرئیلی ہے ، چرخی پیام |
| سیاست ہی ہے بزمِ مسلم کا نام |
| سیاست سے قائم ہے دستورِ دیں |
| سیاست ترے بن فقط چنؔگَزیں |
| اسی سے سکؔندر کی پہچان ہے |
| یہی غزؔنوی ، یازؔ کی شان ہے |
| اسی سے محؔمدؒ کا آغاز ہے |
| اسی سے وہ ٹیپوؔ فتح ساز ہے |
| سرودوں سے خالی ترا کیوں ہے ساز |
| سیاست حیاتِ امم کا ہے راز |
| اسی سے سیاہ و سفیدی کا ماغ |
| اسی سے ملے گا وہ رفتہ سراغ |
| اسی سے ہے روشن مغل کا چراغ |
| اسی سے دھلا ظلمتِ شب کا داغ |
| غمِ ترکِ خواہش نہ دردِ فراق |
| میسر نہیں مجھ کو لمحہ فراغ |
| دلِ دردمند کو نہیں ہے سکوں |
| خرد کو بھی اب چاہیے وہ جنوں |
| اسی سے تو دنیا میں آباد ہے |
| کہ سب توڑ ڈالوں طلسم و فسوں |
| چمکتی رہے تیری ضو چار سو |
| جلاتے رہو جگ میں شمعِ دروں |
| زمانہ تری راہ کا گرد ہے |
| ستارہ بھی ہے محوِ خوار و زبوں |
| نگاہ دور بیں، عقلِ بیدار دے |
| خدا تجھ کو قلبِ جگر دار دے |
| سیاست خلافت شجاعت سبھی |
| خدا تجھ کو لوٹا دے سلطاں گری |
| جواں ان عزائم سے بیزار ہیں |
| یہی ہے وجہ دل جو آزار ہیں |
| سلاطیں سے خالی یہ دربار ہیں |
| زمانے میں مانندِ مردار ہیں |
| جوانو کو مولی تو بیدار کر |
| کبوتر کو شاہیں جگر دار کر |
| انہیں سے سیاست کی پرواز ہے |
| مسلماں سیاست کا ہم راز ہے |
| یہی ہے ندا اس جہاں ساز کی |
| کہ تو طفلِ شاہیں، چمن ساز ہے |
| تو عالم کا فاتح تو آئین ساز |
| سیاست ترے بزمِ ہستی کا راز |
معلومات