| بہت سے تار ٹوٹے اور اب میں ساز سمجھا ہوں |
| وہ لَے جب روح میں اتری میں تب پرواز سمجھا ہوں |
| مجھے لگتا ہے اگلا عشق میرا آخری ہو گا |
| بہت سے درد سہہ کے عشق کے اب راز سمجھا ہوں |
| اشارے پیار کے مجھ کو بہت مہمل سے لگتے تھے |
| بہت کچھ کھو کے اب آخر نگاہِ ناز سمجھا ہوں |
| نہ تھا جب عشق تو میری سماعت ڈھال بنتی تھی |
| اب اس کی جنبشِ ابرو کی بھی آواز سمجھا ہوں |
| مجھے اب ختم ہونا ہے نجانے کیوں میں سمجھا تھا |
| جسے میں ختم سمجھا تھا اسے آغاز سمجھا ہوں |
معلومات