| جو سایہ دار تھے کہاں اب وہ شجر گئے |
| آنکھوں میں جو حسین تھے منظر کدھر گئے |
| افسانہ کیا سنائیں حقیقت بیاں کریں |
| کھوئے گئے کچھ ایسے جہاں میں کہ مر گئے |
| ہم نے خود اپنی آنکھوں سے دیکھے ہیں معجزے |
| دل کتنے جن کو دیکھ کر ایماں سے بھر گئے |
| مقبول ہو گئے ہیں ہمارے وہی عمل |
| جو بے غرض کسی کی محبّت میں کر گئے |
| خیرہ نگاہ ہوتی تھی جن کی چمک سے وہ |
| مٹی میں ایک دن سبھی لعل و گہر گئے |
| وہ پیڑ جو لگا کے گئے اپنے ہاتھ سے |
| خود کتنے باغبان وہ کھا کر ثمر گئے |
| اک حادثہ نہیں ہے فقط زندگی یا موت |
| ہم امتحاں میں روز ہی شام و سحر گئے |
| طارق تمہیں نہ مل سکا اب تک بھی یہ سبق |
| کتنے بچے ہیں دن یہاں کتنے گزر گئے |
معلومات