کھڑے دست بستہ ہیں در پر سوالی |
عطا ہے خدا کی جہاں خیر والی |
ہیں سامانِ راحت یہ پر کیف منظر |
حسیں سامنے ہے یہ دربارِ عالی |
نگاہوں میں آئے حضوری کے لمحے |
تصور میں میرے سنہری ہے جالی |
کرم کی نظر ہو اے شاہِ دو عالم |
امیرِ عرب میرے سلطانِ عالی |
ملیں آلِ اطہر سے پیاری عطائیں |
حزیں در پہ آیا لیئے جھولی خالی |
سوالی ہوں تیرا اے دو جگ کے داتا |
سنوں اپنے کانوں سے آذاں بلالی |
مجھے لے کے آیا ہے ادراک اس جا |
یہ مجلس ہے محمود سب سے نرالی |
معلومات