| جو اس نے بانٹ دیے روح کے خزانے تھے |
| اسے تو ہر جگہ دنیا میں وہ لُٹانے تھے |
| وہ لے کے آ گیا موسم کے بیج ہاتھوں میں |
| زمین دیکھ کے عمدہ کہیں لگانے تھے |
| دیا ہے اس نے یہ پیغام ساری دنیا کو |
| کہ اس نے رُوٹھے ہوئے لوگ سب منانے تھے |
| نہ آسکے تمہیں ملنے تو کچھ سبب ہو گا |
| تمہارے پاس تو آنے کے سو بہانے تھے |
| ہم آتے جاتے ملاقات کرلیا کرتے |
| ہماری زندگی میں ایسے دن بھی آنے تھے |
| دِکھا ہے چاند تو ہم چل پڑے ہیں ساتھ اس کے |
| ستارے یوں بھی نہیں اس کے ساتھ جانے تھے |
| خوشا کہ وقت ملا ہے ہمیں یہ قسمت سے |
| کہ انتظار میں جس کے کئی زمانے تھے |
| مسیحا آگیا طارق بپا قیامت ہے |
| اسی نے آکے تھے مُردہ جو دل جِلانے تھے |
معلومات