آؤ آؤ چلو ، مل کے پیارو ، چلو |
اپنے دلبر سے ملنے کو یارو چلو |
اُس کے چہرے پہ دیکھیں گے ہم نور کو |
پُر سکوں ، پُر تبسّم سے اُس طُور کو |
ایک قلبی سکینت سے بھر پُور کو |
ساتھ دیں گے دعاؤں سے مسرور کو |
اس کے گلشن کی تازہ بہارو ، چلو |
اپنے دلبر سے ملنے کو یارو چلو |
آؤ آؤ چلو ، مل کے پیارو ، چلو |
اپنے دلبر سے ملنے کو یارو چلو |
اک نمونہ ہے وہ حسن و احسان کا |
درس دیتا ہے سب کو وہ قرآن کا |
بیج بوئے دلوں میں وہ ایمان کا |
اس سے روشن دیا دل میں ایقان کا |
طوق سب ، سستیوں کے اتارو ، چلو |
اپنے دلبر سے ملنے کو یارو، چلو |
آؤ آؤ چلو، مل کے پیارو ، چلو |
اپنے دلبر سے ملنے کو یارو چلو |
وہ جو دیکھے گا دے گا دُعائیں تمہیں |
کیوں ہلائیں مخالف ہوائیں تمہیں |
لاکھ دشمن اگر آزمائیں تمہیں |
پھر ستائیں گی کیسے بلائیں تمہیں |
دل حزیں ہیں اگر غم کے مارو ، چلو |
اپنے دلبر سے ملنے کو یارو چلو |
آؤ آؤ چلو، مل کے پیارو ، چلو |
اپنے دلبر سے ملنے کو یارو چلو |
فتح و نصرت کی اس کو بشارت ملی |
اِس سے پہلے کہ اُس کو امارت ملی |
کی حفاظت جو دیں کی عمارت ملی |
تیز قدموں سے اس کے ، حرارت ملی |
دیں کی حرمت کے اے پاسدارو ، چلو |
اپنے دلبر سے ملنے کو پیارو چلو |
آؤ آؤ چلو، مل کے پیارو چلو |
اپنے دلبر سے ملنے کو یارو چلو |
معلومات