| اٹھو بزم کے شہسوارِ قلم |
| جہالت کے سب توڑ ڈالو صنم |
| لے آ ذوقِ تحریر سے انقلاب |
| گئی صبحِ غفلت گئی شامِ غم |
| صحافت نگاری، مضامیں، مقالہ |
| یہ ہے تیری منزل اٹھاؤ قدم |
| زبان و بیاں میں ہو پیدا کشش |
| نگارش میں پیدا کرو زیر و بم |
| لہو سے لکھو اپنی تاریخِ نو |
| اٹھو بزمِ اردو کے اہلِ قلم |
| ہو ملت کی ناموس پر جو نثار |
| کرو خود میں پیدا وہ دیرینہ دم |
| بدل ڈالے تقدیرِ ملت کو جو |
| ترے ہاتھ میں ہو وہ سیف و قلم |
| جہالت کی ظلمت کو روشن کرے |
| ہو تعلیم کی روشنی کا علم |
| اٹھو قوم و ملت کے باذوق فرد |
| سرے سے لکھو داستانِ امم |
| تیری روشنائی میں شامل جنوں |
| عرب کی طبیعت ہے حسنِ عجم |
| اٹھو بزمِ انوؔر اٹھاؤ قلم |
| نکلنے کو بیتاب ہے الحرؔم |
| نہ سمجھے کوئی اس کو نظم و غزل |
| یہ رازِ کہن ہے سنو محترم |
| تو شاہؔی ہے شاہانہ کردار بن |
| تجھی سے ہے ملت کو سارا بھرم |
معلومات