| ہم تو کرتے چلے جائیں گے یہ سفر |
| ویسے بھی اب نہیں ہے کوئی اپنا گھر |
| آشیاں جو زمانہ اڑا لے گیا |
| تنکا تنکا گیا ہے یہاں جو بکھر |
| سب ہی باتیں یہاں آمنے سامنے |
| کوئی کرتا نہیں پھر کسی کا ذکر |
| اب تو آوارگی ہے بس آوارگی |
| تیری دنیا کا مجھ پر نہیں ہے اثر |
| ہے عجب سا زمانے کا انصاف بھی |
| ہے جو کم تر یہاں ہے وہی خوب تر |
| میری مصروفیت میرے اندر ہے اب |
| مجھ کو کافی ہے میرا یہ سوزِ جگر |
| کوئی منزل یہاں پر نہیں تھی کبھی |
| یہ سفر جو سفر تھا برائے سفر |
| سب ہیں مشغول اپنی سجاوٹ میں بس |
| ہے نہیں پھر کسی کو کسی کی خبر |
| کس لئے ہم بنائیں گے پکا مکاں |
| ہے یہ تیرا نگر نہ میرا نگر |
| کیسی سوچوں میں رہتے ہیں مشغول ہم |
| نا اِدھر ہم ہیں موجود نا ہی اُدھر |
| اب کہیں اور جانا پڑے گا ہمیں |
| مل نہ پائے گا ہم کو یہاں پر ثمر |
| مجھ کو مایوس تو نے جو کر ہی دیا |
| تیری گلیوں میں رہنا تھا مجھ کو مگر |
| اے ہمایوں تعین تو کر لے کوئی |
| تو نے جانا ہے اب کے یہاں سے کدھر |
| ہمایوں |
معلومات